British Standards Institution (BSI) hefur staðfest vottun Skyggnis um upplýsinga-, öryggis- og stjórnkerfi til næstu þriggja ára samkvæmt alþjóðlegum staðli.

Skyggnir hlaut fyrst staðfesta vottun á þessu sviði árið 2004.

Friðrik Þ. Snorrason framkvæmdastjóri Skyggnis segir í tilkynningu um málið að vottun BSI sé mikilvægur þáttur fyrir starfsemi Skyggnis, sem leggi áherslu á að vera í fararbroddi í rekstri, viðhaldi og uppbyggingu upplýsingakerfa.

"Vottunin staðfestir að trúnaður, heilindi og aðgengi að upplýsingakerfum séu tryggð. Jafnframt er tryggt að upplýsingar séu aðeins aðgengilegar þeim sem hafa aðgangsheimildir. Þá eru allir rekstrarþættir, sem snúa að stjórn öryggismála, skjalfestir og fylgja gildandi lögum og reglugerðum er varða rekstur fyrirtækisins," segir Friðrik Þ. Snorrason framkvæmdastjóri Skyggnis um vottun BSI.

Skyggnir ehf. er tækni- og rekstrarþjónustufyrirtæki Nýherjasamstæðunnar. Félagið sérhæfir sig í hönnun, uppsetningu, viðhaldi og rekstri upplýsingatæknilausna. Hjá Skyggni starfa um 160 manns.

Skyggnir notar innleiðingarhugbúnaðinn Risk Management Studio v2.3 frá Stika.  Nánari upplýsingar um RM Studio er að finna hér.