Stiki aðstoðar við innleiðingu jafnlaunavottunar

Sérfræðingar Stika hafa reynslu og þekkingu á jafnlaunastaðlinum og geta aðstoðað fyrirtæki og stofnanir við undirbúning að innleiðingu jafnlaunavottunar. Aðkoma Stika getur meðal annars falið í sér aðstoð við eftirfarandi:

• Gerð jafnlaunastefnu
• Gerð jafnréttisáætlunar
• Yfirfara starfslýsingar
• Útbúa, yfirfara og/eða bæta ferli við launaákvarðanir
• Útbúa verkferli á launasviði
• Aðstoða við starfaflokkun
• Framkvæma launagreiningu

Við öll ofangreind skref er mikilvægt að stjórnendur taki eins mikinn þátt í innleiðingunni og þeir treysta sér til. Stiki leggur áherslu á að aðstoða fyrirtæki við að fara einfalda leið að undirbúningi jafnlaunavottunar og styðja þau til sjálfstæðra vinnubragða við undirbúninginn. „ÍST 85:2012 Jafnlaunakerfi – Kröfur og leiðbeiningar” er byggður á „ISO 9001:2015 Gæðastjórnunarkerfi – Kröfur” sem er ráðgjöfum Stika góðkunnur. Staðlarnir hafa það sameiginlegt að leggja áherslu á verkferli, hlítingu við lög, rekjanleika og markmiðasetningu.

Í lok árs 2018 lýkur aðlögunartíma fyrir fyrirtæki með 250 starfsmenn eða fleiri til að fá vottun. Næsti áfangi eru fyrirtæki með 150-249 starfsmenn en aðlögunartími þeirra er til loka árs 2019. Því er því mikilvægt að hefja undirbúning sem fyrst.