Heilbrigðisráðuneytið hefur samið við Stika ehf. um þjónustu og rekstur RAI kerfa fyrir hjúkrunarheimili. Það voru þau Svana Helen Björnsdóttir, framkvæmdastjóri Stika, og Guðlaugur Þór Þórðarson, heilbrigðisráðherra, sem undirrituðu samninginn síðdegis. Hann felur í sér að Stiki tekur að sér að annast rekstur, hýsingu og þjónustu RAI (Nursing Home) skráningarkerfis og undirliggjandi gagnasafns fyrir verkkaupa.

Markmið samningsins er að tryggja stöðugan rekstur RAI (Nursing Home) skráningakerfis og gagnasafns þannig að það nýtist til skráningar RAI-mælinga á inniliggjandi heimilisfólki á hjúkrunarheimilum (RAI Nursing Home).